قصيدة بسيطة وقلبها حنين من كلمات الشاعر محمد ابراهيم التي كتبها لزوجتة

القصيدة الشهيره التي كتبها الشاعر العظيم محمد ابراهيم

 بسيطة وقلبها حنين وكانت تدور هذه القصيده 

حول الشاعر محمد ابراهيم وزوجته وهذه القصيده كتبها لزوجته 

التي كانت بداية تعرفه عليها من خلال الجامعة 

بحضوره حفل في هذه الجامعة

 

ابيات قصيدة بسيطة وقلبها حنين 

من كلمات الشاعر محمد ابراهيم  

بسيطه وقلبها حنين .. وروحها جميله بزياده

في وقت الشده سنّاده

ووقت الحزن بتطبطب وبالها طويل

هدوءها جميل .. وذوقها ملوكي لو تختار

رفيقة الدرب و المشوار

وصاحبة عمري و حبيبتي

و أكتر حضن فيه برتاح

دي دخلت قلبي تقريبا

بدون مفتاح

وكانت أمي لما اتعب

بتسهر جنبي متسبنيش

قسمت معاها ملح وعيش

وبينا حاجات لا هوصفها ولا أحكيها

كفايه اني بدأت أشوف جمال الدنيا

بعنيها

وشوفت الراحه علي ايدها

 

وروحت قطفت عناقيدها و دوقت حلاوة الأيام

معاها عرفت ان الحرب عادي بتنتهي بسلام

وان الحزن شئ أصبح من الماضي

واني بقيت خلاص راضي

واني ارتاحت

 

لأول مره امسك ايد وتطلع بيا فوق مش تحت

لأول مره أحس الحب مش كسرة قلوب وخناق

لأول مره بدرك قيمة الأشياء

وأشوف الدنيا وكأني .. مدوقتش حزن قبل الآن

لاول مره انام وانا عادي مش قلقان

ومش زعلان عشان متساب

ومش مخنوق بدون أساب

فيه ناس ف حياتنا روحهم باب

بيفتحلك تعيش في أمان

حياتي مشوفتهاش قبلك .. معاكي لقيتها بالألوان

وشوفتك فجأه حبيتك .. مخدتش وقت أفكر فيه

مخدتش رأي حد بنيت حياتنا عليه

بحبك بس مش عارف بحبك ليه

جواب الفرحه كان باين من العنوان

بحبك من زمان جدا .. ومن قبل الزمان بزمان

لاقراءة قصيده اخري لشاعر محمد ابراهيم اضغط هنا