حدد هدفك لطريق النجاح

سر نجاحنا إيماننا بالفكرة وبالهدف منها" ركز فى كل حرف لأن المعنى أعمق بكتير من كونها مجرد جملة

دلوقتى انت كرائد أعمال هل ينفع تكون بتشتغل من غير هدف .. من غير vision واضحة .. من غير ما ترسم لنفسك طريق ومنهج تمشى عليه وتقدر تحدد فى أخره مقياس نجاحك أو فشلك ..

طبعا ده غلط جدااا .. و ده مش بس فى مجال ريادة الأعمال والبيزنس لأ ده فى حياتنا كلها ..

فكر دايماً فى كل حاجة انت بتعملها ليه وبهدف ايه .. طب انت دلوقتى بتقرأ عن ريادة الأعمال وعايز تتعلمها ..

سألت نفسك هدفك منها ايه ؟؟

أقولك أنا .. ممكن تكون حابب المجال وعايز تتعلم فيه أكتر .. شايف إن قدراتك هتخليك إنسان ناجح جدا فى المجال ده بس عايز تعرف تبدأ إزاى أو تعمل ايه ..

عندك فكر مختلف ونفسك تخليه واقع ملموس .. نفسك تفيد مجتمعك أو تحل مشكلة انت شايف انها بتأثر عليه من منظور ريادة الأعمال ..

نفسك إن ده يبقى ال career بتاعك لأنك عندك شغف وبتكون مستمتع وانت بتشتغل فيه ..

عايز تنفذ مشروع و يبقى ليه أرباح مالية كمصدر دخل و شغل أساسى ليك ..

كل دى الإحتمالات اللى مفروض تكون فى دماغك وممكن برده يكون من باب العلم بالشئ

طيب خلاصة الكلام ده ايه بقى ؟!

قبل ما تفكر تبدأ بفكرة أو تدخل مجال أو تفكر فى مشروع حدد هدفك منه كويس أوى وثق تماما إن طول ما انت محدد هدفك ومؤمن برسالة انت بتأديها .. عمرك ما هتفشل أو تسيب حاجة تعترض طريقك

طريق النجاح موجود وكبير وممتع بس فكر صح وخطط صح علشان تنجح صح .