ربط عيد الحب بتاريخ او وقت خيانه

كلنا بنسمع عن الحب وبنحب لكن منعرفش يعني ايه حب 

الحب مش كلام الحب بيظهر مع التصرفات

حب بدون ما تحسبها ولا تستاذن .. الحب هو الصداقة للي بتخرجك عن قلبك ..   متسالش حد انت بتحب فلان ليه وماتستغربش لما تلاقي نفسك بتحب ده ليه بالذات ..

 الحب ملهوش دعوه بفلان عنده كرش او شعره اكرت او فلانه قصيرة ولا دمها تقيل .. قالو زمان ان الحب لازم يكون بدون سبب ؛ لإنه لو بسبب هيزول بزوال السبب .. 

ربط عيد الحب بتاريخ او وقت خيانه .. احنا بنمارس فعل الحب في كل دقيقه علي الاقل مع واحد .. 

بلاش نسمي الحاجات وبلاش نربطها بهداية او بايام .. للي بيحب بيحب دايما مش يوم في السنه حب من كل قلبك بصدق ..

 بلاش نختزل الحب في 24 ساعة ولا نقصرة علي الكابلز بس .. 

عبر عن كلمة (بحبك) بالتصرفات بكل شي بتعمله 

والافعال مش بنطقها ولا بالهدايا ولا في يوم محدد لـ حبيبك بس ..

 ابويا الله يرحمه كان دايما يقول لي : ( انت واخوك رصيد في بنك الدينا ؛ 

ولو عايز تعرف رصيدك في الحقيقي في الدنيا قيسة بـ عدد اللي هيمشوا في جنازتك وهيزعلو عليك ) .. 

كل سنه وكل ولحظة وانتم طيبين وبخير .. ربنا يقرب البعيد ويبارك في كل أحبابكم والناس للي وجدكم مرتبط فعليا بـ وجودهم وينور قلبوكم ويجعلها عمرانه بـ نور حب ماينطفيش .