قصة نجاح دو وون تشانغ من بواب الي مليردير

تخيل إنك فقير جداً لدرجة إنك مش لاقي مصاريف اليوم

 

تخيل إنك في بلد غريبه ومضطر تشتغل 3 شغلانات عشان تصرف على عيلتك وعندك طفلين ولكن عندك حلم وأيمان شديد إنك هتحققه مهما حصل

 تخيل إنك بتشتغل الصبح في بنزينة والظهر في قهوة وبالليل حارس أمن وبتنام 3 ولا 4 ساعات يومياً ..

تخيل حجم الشقى والإرهاق وتخيل إنك بتشيل على قد ما تقدر أي مبلغ بتكسبه لمدة 4 سنوات متواصلة

 مفيش فسح مفيش خروج مفيش رفاهية بأي شكل من الأشكال، عايش على الكفاف بس عشان تطارد حلمك ..

الكوري الأصل دو وون تشانغ عمل ده وقدر يفتح أول محلات

 forever 21 سلسلة للملابس الكورية بتصميمات والوان جديدة على السوق الأمريكي

 وبسعر مناسب جداً لكل الفئات دو وون تشانغ قدر في خلال أول سنة عام 1984 يحقق أرباح 700 ألف دولار

ومن خلال تطوير طرازاته وفهمه للإدارة ومواصلة السعي قدر يوصل من محل وحيد لـ 743 فرع حوالين العالم في أمريكا وأوروبا وآسيا وحتى الدول العربية زي الإمارات والسعودية والكويت

طبعاً اللهم لا حسد دو وون تشانغ ثروته عدت ال 4 مليار دولار برغم إنه بيصرف أرقام فلكية على دعم الأعمال الخيرية ..

الراجل ده بيقدر الحياة العائلية قوي ومشارك عيلته في كل أعماله من أول يوم وبرغم إن الشركة بدأت بنشاط الملابس لكنها إتوسعت لتشمل الأكسسوارات ومستحضرات التجميل والديكورات

وقدرت تحقق في 2011 حوالي 124 مليون دولار أرباح وبيشتغل فيها حوالي 30 ألف موظف تقريباً 

الخلاصة: النجاح ليس سباق سرعة ولكنه ماراثون يحتاج للنفس الطويل والقدرة على التحمل "دو وون تشانغ"