5 علامات يوضحو للمرأة ان العلاقة في اتجاه الفشل

خمس علامات تعرفك انك داخله على ’’ فشل في العلاقة  ..

فى الحقيقه فى بنات كتير بيكون جواها صوت ( حدس ) داخلى كدا بيقولها انه دا ’’ فشل’’ بطريقه ما , لكن الاغلبيه منهم بتتجاهله . ولو وثقتى بس فى حدسك الانثوى هتلاقى الموضوع بقى اسهل بكتير . ( ثقى فى حدسك الانثوى )

1- هيلومك كتير : دى اول الخطوات السيكولوجيه الى بيعمولها الرجاله , هو انهم يبداء يلومو البنت الى هيستغلوها فى اى خطاء ترتكبه المسكينه , طبعا دا تمهيد ( نفسى ) للانها متطالبش بابسط حقوقها بعد كدا .
( مثال : انتى جميله وذكيه وقويه وانا بحبك بس انتى بتطلبى منى حاجات كتير وبسبب طلباتك انا غلطت فى الشغل 

وخدت جزا , او اتاخرت على مشوارى وخسرت فلوس الديل ) وهكذا .

2- السلطويه : من السلطه يعنى , ودى علامه مقلقه جداا تخليكى تخافى وتعيدى التفكير مع الشخص دا
( وهو ميله لاستخدام السلطه المفرطه فى اى نقاش اى حوار يحصل بينكو ) وفى الحقيقه هو كل الرجاله بتحب تستخدم سلطتها , بس فى رجاله بتأفور فى استخدام السلطه دى ومش بيفرق معاها اى عواقب ؟ ليه مش بيفرق معاهم اى عواقب ؟ ببساطه لانه مش باصص على العلاقه دى على انها علاقه طويله الامد .

3- هيتجنب يتكلم عن اى حاجه ليها علاقه ’ بالجواز ’ او الالتزام طويل الامد بشخص ما . فكره انه يتكلم على اتنين متجوزين ومبسوطين حتى مرفوضه بالنسبه له تماما .

4- لعب دور الضحيه : ودى من اوائل العلامات المقلقه المرعبه الى تعرفك انه ’’ الخازوق ’ قرب جدا , لانه الراجل الى فى اول كام قعده تقابليه فيها تلاقيه بيتكلم ليل نهار على ( انه الزمن حط عليه ) وفشخه وامه كانت بتلسوعه وهو صغير , ودى بدايه لاول خطوات ( الاستغلال والاستهلاك ) ليكى , لانها بعدها حرفيا هيبصلك انتى كمان على انك ’ ظالمه ’ ومفتريه .

5- اكتر علامه تقلقك بقى , هو انه هيتجنب حتى كلمه ’ بحبك ’ , ولو قالها هتحسى بكل قلبك انها مجرد كلمه بيقولها علشان يوصل لحاجه وخلاص ( سواء جسديه او ماديه او حتى عاطفيه ) , لانه كلمه بحبك ’ بتساوى التزام ’ ولو نسبى للحب . فلو لقيتى كل طلباته بس ماديه او جسديه او مجرد استغلال عاطفى بدون ما يعترف بالحب ليكى , اعرفى بقى انه دى من اكتر العلامات خطوره وانه صدقينى على اد ما العلاقه دى مغريه وشكلها حلو من بره بس انتى ’’ ختتخزوقى ’ بكل مرونه الدنيا .