10 علامات تعرفك انه ’’ بيفكر يتجوزك

10 علامات تعرفك انه ’’ بيفكر يتجوزك ’’ .. 

قبل ما ابداء فى الموضوع الجميل دا حابب اقول جملتين على جنب , 

 
اولا : فى الجواز كل واحد من حقه يسأل ويعرف ويطمن بدون كسوف او خوف وتردد , فى الحقيقه انا شخصيا بحترم جدا فكره البنت ( الى بتسأل بصراحه الراجل الى داخل يتعرف عليها اذا كان بيضيع وقت ولا فعلا بيفكر فى ارتباط حقيقى )

ثانيا : متتكسفيش كبنت تقولى بكل اريحيه i dont do boyfriends بما انه الطبيعى انه الناس بتصاحب سنين وبعدين يرتبطو فى ناس معندهاش الرغبه انها تصاحب سنين وفى الحقيقه كونك هتقوليله كدا دا هيخليه يتمسك بيكى اكتر ويحترم صراحتك وقوتك اكتر .

1- هيعاكسك , هيعاكسك بكل وضوح الدنيا , مش هيتخوف او يتردد انه يعاكسك ( الا الرجاله الخجوله بطبيعتها , دول الى هيتجنبو انهم يعاكسو بكل وضوح )

2- تانى حاجه , هيتكلم عن ’’ المستقبل ’’ , هتلاقيه بيتكلم عن مستقبله وطموحه وهيبداء بالتدريج يحطك فيه .

3- هيسالك عن ’’ الاماكن الى نفسك تعيشى فيها ’’ ؟ او الكومباوند الى بتخططى تعيشى فيه او حتى عن تفاصيل شقه احلامك . هيكلمك عن كل دا فى وسط نقاشاته ..

4- هيخبيكى عن ’ اصحابه الشمال ’ ويعرفك بس على الى بيثق فيهم . 

فى الحقيقه الرجاله فيهم حاجه غريبه اوى , لما بيصاحبو واحده لمجرد انها ’’ موزه ’’ ومش بيفكرو فى جواز , بتلاقيهم ’’بيتفشخرو بيها ’’ قدام اصحابهم وكل الناس الى يعرفوهم , وتلاقو صور على الانستجرام فى الساحل لمجرد انه عايز يعلى ال social statues بتاعته انه ((( جامد وبيعرف يصاحب موزز )) وطبعا هتكونى انتى هنا مجرد رقم فى الليسته , لكن لو فكر فى جواز بيكى , هيخاف من الصحاب دول وهيعرفك بس على الى بيثق فيهم وهيميل انه يخبيكى مش يفرج عليكى الشعب .

5- مش هيجيبلك ’’ هدايا ’’ لاى سبب كان . ويمكن دى غريبه شويه , لكن معرفش ليه دا الى بيحصل من الرجاله لما يفكرو فى الجواز , تحسهم بيقولو فى دماغهم (( هو انا هصرف كل دا فى الجواز وبرضو اجيب هدايا )) لكن دى مش قاعده , فى رجاله كتير ذوق بتكسرها وبتجيب هدايا برضو .

6- هيسأل اسئله كتير عن ( اهلك ) وتفاصيل حياتكو , ومرات اخوكى بتشتغل ايه , وجو تفاصيل عائليه كدا , ودا سببه انه عايز يقيم الوضع الاجتماعى الى هيدخله .

7- هتلاقيه مبقاش مهتم بلبسه اطلاقا قدامك , فى الحقيقه على عكس الطبيعى هتلاقيه مبقاش حريص يكون فى احسن حالاته او لابس اشيك لبسه وهو بيقابلك 

8- هيختفى مره واحده من حياتك , وبدون اسباب ( ودى مرحله صرصور الحقل ) . ودى حاجه طبيعيه بيدخلها الرجاله لما بيفكرو فى الارتباط طويل الامد ببنت .

9- هيعمل حاجات معاكى مش بيعملها فى الغالب مع اصحابه او مجرد اصحابه البنات , زى انه ( يعمل شوبينج ) معاكى , او يروح معاكى تشترو حاجات عاديه من مكان بعيد . او تروحو معارض اثاث او حاجات شبه كدا . بالنسبه له دى كانت حاجات ممله جدا ميعملهاش .

10- هتكونى اول شخص بيكلمه اول ما بيصحى , واخر شخص بيحب يسمع صوته قبل ما ينام .

وبرضو متنسيش انه من حقك قبل ما تتعرفى على حد او لما تحسى من راجل علامات اعجاب انك توضحى بسهوله وبكل اريحيه انك ( مستعده او مش مستعده ) للدخول فى علاقه او انك تقوليله ’’ انا مش بصاحب خلاص ’’

وبكده يبقي تم الانتهاء من العشر نقاط للي بيوضحو ان هو فعلا عايز يتجوز