قصة طب جنائي رعب الجزء الاول

تنويه القصة دى 70% من أحداثها حقيقية وحصلتلى انا شخصيا لكن طبعا غيرت حاجات للتشويق وغيرت الأسامى لأنهم شخصيات معروفة (بحبكم جداا⁦⁦❤️⁩(

...............................

لو انت قاعد دلوقتى وبتقرا ممكن تكون حاسس ان عندك دراع تنقل من التانى وأدفى ........دلوقتى شعر رقبتك هيقشعر ممكن كمان تحس بتقل ف خدك اللى من الناحية الدافيه لو حسيت كده ده معناه أن فى جن قاعد جنبك وبيقرا معاك ماتخافش انت حتى لو بصيت مش هتشوف حاجة هو اه شايفك وممكن دلوقتى يكون عينه ف عينك وبيبتسم انت مش هتشوفه لكن انا للأسف لو بصيت هشوفه اعرفكم بنفسى ...................

انا نهى محمد ابوإدريس معروفة بإسم نهى أبو إدريس عندى 23 سنه منفصلة وأم لأجمل طفل مؤمن عايشة ف بيت أهلى مع اخويا وامى وابويا عندى اخت متجوزة وساكنه ع البحر ف منطقة هادية جداا بشتغل معيدة ف كليه زراعة قسم حشرات انفصلت بعد جوازى ب 3 شهور كان وقتها عندى 18 سنه وكنت حامل حماتى كانت ست بتاعة اعمال مش بتروح لدجالين لا هى بتعمل السحر والأعمال بنفسها وده طبعا خلاها لما قررت انفصل عن ابنها بقيت فار تجارب لكل أعمالها ولأن الحامل بتبقى متحاوطه بالملايكه بدأ العذاب بعد ما ولدت اخدت فترة طويله جدا بروح لدار وشيوخ وقران لحد ما حياتى رجعت انتظمت بس كان بيبقى عندى احساس داخلى يعنى ممكن اروح مكان ارتاح جدا وممكن اروح مكان اترعب واتخنق وابقى مصممه اروح انا الحمد لله مرحة جدا ومجنونه طبعا لكن شخصيتى قوية كل ده مش موضوعى الرئيسى موضوعى بدأ بعد ما سجلت دراسات عليا تحديدا الماجستير كنت محتارة اتخصص ف ايه ولأنى شخصيتى قوية ومحتاجة حاجة مختلفة سجلت ف علاقة الحشرات بالطب الجنائى طبعا معظمكم استعجب من كلامى ماتنساش أن الإنسان بعد ما بيموت بتحلله حشرات وبناء على أطوار الحشرة وشكلها بتقدر نعمل تحديد اولى لسبب الوفاه المهم سجلت مواد تشريح تبع كلبه طب وبدأت الدراسه كنا بنشرح جثث مجهولة الهوية واللى متحللة ومتعفنه واللى مشوهة لدرجة صعوبة التعرف طبعا ف البدايه كنت بخاف وخصوصا أن الأعمال والمرارة اللى شفته زمان خلانى بحس بحاجات غريبه علشان اعرف انجح ف حياتى واحقق حلمى لازم اتجاهل انها موجوده ف يوم اتصل بيا دكتور سعد وطلب منى انزل معاهم كمشروع بحث لتشريح جثة ولأنى انا الوحيدة اللى قسم حشرات كنت ف البدايه يقابل استهزاء من الناس اللى معايا هى بتاعة زراعة جاية تعمل ايه هى عاوزة ايه لحد ماقدرت اثبت نفسى المهم روحت معاهم والدكتور طول الطريق عمال يتكلم على حشرات التحلل وغرابة شكلها روحنا كان الوقت قرب المغرب كان فى بوليس ونيابه والدنيا مقلوبه اول مرة اشوف حد مدفون ف قبر مدور اه والله زى ما بقولك كده قبر مدور الجثة كان شكلها بشع بكل المقاييس مقتول بأصعب الطرق الوحشية كل أعضائه الداخليه مرميه ع الأرض حواليه قلبه كأنه لسه ميت حالا برغم أن تحلل باقى الجسم والأعضاء بيقول أن الوفاه من 3 ايام الحشرات كانت بتحلله كله بشراهة غير معتادة ماعدا رسمه موجوده على صدره ورسمه على جبهته الرسمه دى كانت نجمة سداسيه وجواها هرم ماسونيه من بتوع عبدة الشيطام وكلام ورموز شغلت الكاميرا بتاعتى والتسجيل وبدأت اصور وأسجل بيانات
-عمر الوفاه 3 أيام

+الضحية ذكر بالغ عمره يتراوح بين ال35 وال40
+القلب بحالة جيدة جدا بخلاف باقى الأعضاء

+اتساع حدقيه العين توحى بحدوث صدمة اى أن الوفاه حدثت بشكل مفاجئ جدا او بسبب شخص غير متوقع
+حالة الرئة توحى بتعرض الضحية للخنق برغم عدم وجود علامات خارجية توحى بذلك

اخدت كشطه من تحت ضوافره مالقيتش اى حاجة ممكن تلاقى فيها DNA
+لا يوجد أى علامة توحى بالمقاومة اى أن القاتل كان معروف للضحية وفترة حدوث الوفاه قصيرة

+سلامة الجلد الموشوم توحى باستخدام مادة الوشم غير مستساغة بالنسبه لحشرات وبكتريا التحلل صورت كل الجثة واخدت اللى محتاجة اعرفه وطلبت انى اخد جزء من جلد الموشوم ادرسها ف المعمل المشرف وافق وبالفعل اخدتها وروحت الدنيا كانت ضلمة لأن الوقت اتاخر وفجأه العربيه اتقلبت بيا كنت أنا والسواق ودكتور سيد لفت اكتر من لفة لحد ما استقرت بعد وقت ماعرفش هو قد ايه بدأت تفوق تدريجيا بصيت ناحية دكتور سيد لقيته فاقد الوعى بصيت ناحية عم محروس السواق كان هو كمان فاقد للوعى الرؤية بالنسبالى ماكانتش واضحة باب العربيه اتفتح كانت مقلوبه حد شفته جاى من بعيد طويل ورفيع وجسمه عمال ينزل دم قرب لحد ما رجله بقت قدامى وفجأه وطى لتحت كان يشبه لحد كبير الجثة اللى لسه كنا عندها لكن وشه مش مشوه شبه الجثه انا ماكنتش مركزة كويس
_ ساعدنا أ أ أرجوك ساع.....

حط صوباعه على بوءه وقالى هشششش ماتلعبيش ف حاجة انتى مش قدها واخد شنطتى اللى فيها العينات والريكوردر والكاميرا ومشى
_لو سمحت سا........ع...د ..هم ل....لو....س....م..
فجأه كل حاجة بقت سودا قدام عينى

*أصوات جاية من بعيد *
_أهى بدأت تتحرك
_الحكد لله اهى بتفوق
_طب حد ينادى دكتور
ريحة الكحول اكتر ريحة عمرى ما اتلغبط فيها بدأت تفوق بالتدريج
_أنا فين؟!
_حبيبتى انتى ربنا نجدك
_كنتى هتروحى مننا
_ماما هو حصل ايه
_وانتوا راجعين العربيه اتقلبت بيكم بس الحمد لله جت سليمة
_دكتور سيد وعم محروس كويسين ؟!
_ أيوة يا روحى كلهم كويسين
_انا هنا من امتى؟!
_بقالك 3ايام
بعد يومين ف المستشفى طلعت وروحت البيت وبعد أسبوع راحة وانت متاكده أن فى حد جه اخد حاجة من العربيه وقت الحادثة روحت الشغل ،طلبت من العامل يجيبلى حاجتى اللى كانت ف العربيه يوم الحادثة ،الغريب أنه جاب الشنطه !!يعنى ماحدش أحدها يبقى انا كان بيتهيألى اكيد عينه الجلد حصل لها تعفن ف الشنطه فتحت الشنطه مالقيتهاش !! ايه ده انا متأكده انى حطيتها تمام ممكن وقعت ف الحادثة طلعت الكاميرا وببص ع الصور مالقيتش ولا صورة لليوم ده مافيش اى دليل على انى شفتها شغلت الريكورد لقيت كل تسجيلات الايام اللى قبل الحادثة بس مالقيتش ولا تسجيل ليا وقت التشريح فجاه الفون رن نطيت من مكانى يمكن علشان كنت بفكر
_الو ايوة يا نهى عاملة ايه
_الحمد لله تمام ازيك يا ريهام
_اتصلت علشان اقولك أن عندنا سيكشن تشريح النهاردة الساعة 4
قمت جهزت عدة التشريح والكاميرا والريكوردار وروحت كان السيكشن ف المشرحة اول ما الدكتور كشف الغطاء عن الجثة صرخت ده مستحيل الجثة هى نفسها اللى شرحناها يوم الحادثة حسيت ان قلبى هيقف من الصدمة مستحيل الجثة دى متوفية من حوالى 10ايام ماينفعش يبقى شكلها جديد كده قررت اغامر واخدت جزء من الجلد الموشوم علشان احلله ف المعمل لكن وانا بلف ضهرى لقيت.............................